2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Aðdáendur Írafárs frá unga aldri

Eyþór Úlfar Þórisson og Andri Þór Jónsson, sem skipa lagahöfunda- og framleiðsluteymið September, voru að gefa út nýtt lag með Birgittu Haukdal. 

„Um daginn vorum við Eyþór í stúdíóinu að pæla hvaða listamönnum við værum til í að gera lag með,“ segir Andri Þór en síðastliðin þrjú ár hafa þeir fengið þekkta íslenska söngvara til liðs við sig, þ.á.m. Jón Jónsson og Steinar. „Sú hugmynd kom þá upp hjá okkur hvað það væri mikil gargandi snilld að gera lag með Birgittu Haukdal þar sem hún er ákveðin táknmynd í íslensku poppi og við báðir vægast sagt súper-fans þegar við vorum litlir. Það sama kvöld sömdum við lagið sem rann tiltölulega fljótt frá okkur og við sendum henni demóið. Nokkrir dagar liðu þar til hún svaraði okkur og sagðist vera til. Hún kom til okkar upp í stúdíó og söng allt lagið inn á einu kvöldi. Frá demói yfir í lokaútgáfu lagsins liðu einungis 2 vikur,“ segir Andri Þór. 

„Frá demói yfir í lokaútgáfu lagsins liðu einungis 2 vikur.“

„Það var mikið fagnaðarefni að hitta Birgittu Haukdal þegar lagið Aðeins nær þér varð til, enda Birgitta ein af goðsögnum íslenskrar popptónlistar.“

Írafár kom aftur saman eftir margra ára hlé í Eldborg í fyrrasumar og vakti mikla lukku. Það mátti með sanni segja að aðdáendur hljómsveitarinnar höfðu engu gleymt og muni því vonandi kætast þegar Birgitta sendir frá sér nýtt efni. Hér má hlusta á nýja lagið.

AUGLÝSING


Ekki missa af þessum

Annað áhugavert efni