2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

„Ástin er óútreiknanleg“

Tónlistarkonan Siggy eða Sigurborg Sigurjónsdóttir sendi á dögunum frá sér sitt fyrsta lag sem ber heitið Never Did I.

Siggy er 24 ára lagahöfundur og söngkona og er fædd og uppalin í Los Angeles. Hún vann lagið fyrst ásamt Arnari Inga Ingasyni á Íslandi en lokavinnslan fór fram í LA undir stjórn Printz Board sem er þekktastur fyrir vinnu sína með hljómsveitinni Black Eyed Peas. Siggy vann einnig með Young Nazareth að laginu.

„Lagið Never Did I er innblásið af þeirri tilfinningu sem ég held að við upplifum öll einhvern tíma á lífsleiðinni þegar við áttum okkur á því að einhver sem áður var ókunnur stendur okkur nú næst, einhver sem við eitt sinn áttum leið hjá er núna okkar heittelskaði, hvernig ástin er óútreiknanleg og ótrúlegustu einstaklingar eru orðnir þér mikilvægastir,“ segir Siggy.

„Við bjuggum til þetta lag sem ég vona að fólk njóti og fái það til að muna eftir þeim sem þau vissu aldrei að þau myndu elska en gerðu samt, að hugsa til þess að þú vitir aldrei hvaða fólki þú munt mæta næst á lífsleiðinni.“ Að auki mun myndband sem Anna Maggý leikstýrir koma út með laginu.

Ekki missa af þessum

Annað áhugavert efni