Þriðjudagur 16. apríl, 2024
2.1 C
Reykjavik

Daniella tilkynnti sjálf andlát sitt: „Horfðu á lífið með rómantískum augum!“

VefTv

- Auglýsing -

Hlaðvörp

- Auglýsing -

Fjölskylda 25 ára konu birti tilkynningu um andlát hennar með hennar eigin orðum á Facebook og LinkedIn, 23. febrúar. Konan skrifaði sjálf tilkynninguna.

Eonline.com segir frá þessu í dag en þar kemur fram að konan, Daniella Thackray, hafi látist eftir harða baráttu við cholangiocarinoma sem er sjaldgæft og erfitt krabbamein sem vex í göngunum sem flytja gall frá lifur til smáþarma.

„Ef þið eruð að lesa þetta,“ skrifað Daniella í byrjun færslunnar, „þá þýðir það að ég hef beðið í lægri hlut fyrir krabbameininu og fjölskylda mín er að birta síðustu skilaboðin mín.“

Daniella, sem er frá Leeds í Bretlandi, útskýrði í skilaboðunum að „ekki séu öll krabbamein tengd lífstíl“ og að þrátt fyrir að hún hafi verið „heilbrigð og virk“ hafi hún fengið krabbamein sem „kom ekki vegna einhvers sem ég stjórna og líf mitt varð aldrei eins aftur,“ eins og hún orðaði það.

Bætti hún við að það hafi ekki verið „nein lækning“ við krabbameininu, en að hún vonaði að „með tímanum verði fleiri rannsóknir gerðar um þennan hrottalega grimma sjúkdóm, svo bjarga megi fleiri lífum.“

Þrátt fyrir baráttu hennar, sagðist Daniella hafa náð að „njóta hvers augnabliks“ sem hún átti eftir. „Eins og ég hef alltaf sagt og trúað, þá á maður að njóta litlu hlutanna í lífinu og njóta hvers augnabliks! Horfðu á lífið með rómantískum augum! Gerðu allt sem gerir þig hamingjusaman og láttu engan taka gleðina frá þér.“

- Auglýsing -

Daniella sendi einnig ástarkveðjur til vinnustaðar síns, en hún vann á markaðsstofu, til fjölskyldu sinnar, vina, unnusta síns Tom Calvert og til „loðna barnsins“ hennar Leo, sem hún sagði að hafi „örugglega verið settur í líf mitt til að hjálpa mér að lýsa upp mína myrkustu daga.“

Lokaorðum sínum beindi hún til Tom: „Ég elska þig og mun ávalt gera það. Takk fyrir að styðja mig og færa mér svo mikla ást og hamingju í lífið. Farðu nú og njóttu lífsins, þú átt það skilið.“

Tom skrifaði sjálfur færslu um Daniellu á LinkedIn, þar sem hann kallaði hana „fallega og hugrakka unnustu“. Sagði hann einnig: „Því miður brást heimurinn þér og framtíðin var tekin af þér á svo grimmilegan hátt. En þú lifðir svo ótrúlegu lífi og þú varst svo elskuð. Ég sakna þín Daniella og ég er svo ótrúlega stoltur af þér nú og að eilífu.“

- Auglýsing -

 

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -