Fimmtudagur 2. febrúar, 2023
1.6 C
Reykjavik

Sjö ára drengur stakk haus út um rúðu á rútu og lést samstundis: „Greyið litla skinnið“

Helgarviðtalið

- Auglýsing -

Orðrómur

- Auglýsing -

Sá harmleikur varð í Mexíkó fyrir nokkru að ungur drengur lét lífið í rútuslysi. Hann hafði stungið höfðinu út um gluggann.

Drengurinn, sjö ára, var í pílagrímsferð með fjölskyldu sinni í Mexíkó en hún hafði ferðast til landsins til að heimsækja helgidóm verndardýrlings Mexico (e. Our Lady of Guadalupe) en á hverju ári flykkjast milljónir kaþólikka að helgidóminum.

Hinn hryllilega andlát drengsins varð í Quinta Maria hverfinu í Veracruz-borg. Í Mirror er sagt frá því hvernig vitni lýstu slysinu.

Sögðu vitnin að á einhverju augnabliki hefði drengurinn skyndilega stungið hausnum út um glugga á rútunni og rakst með höfuðið í staur sem bílstjórinn keyrði framhjá. Var drengurinn úrskurðaður látinn á vettvangi þar sem hann lá aftast í rútunni.

Sjúkraliðar Rauða krossins sem mættu á slysstað gátu ekkert annað gert en að staðfesta hið sorglega andlát. Bílstjóri rútunnar kom svo öllum á óvart og lét sig hverfa af slysstaðnum rétt áður en lögreglan mætti.

Harmleikurinn hefur haft mikil áhrif á almenning í Mexíkó en margir notendur samfélagsmiðlanna hafa gagnrýnt foreldra drengsins harðlega. Einn þeirra skrifaði á Facebook: „Þetta er ástæðan fyrir því að foreldrar þurfa alltaf að kenna börnum sínum að setja hausinn aldrei út um glugga á rútu.“

- Auglýsing -

Annar notandi skrifaði: „Foreldrar mínir kenndur mér alltaf að stinga hausnum aldrei út um glugga ef ég er í farartæki.“

Sá þriðji skrifaði á svipuðum nótum: „Ég man hvað okkur var alltaf sagt þegar við vorum börn. Ekki stinga hausnum út um bílrúðu. Greyið litla skinnið.“

Óvíst er hvort lögreglan hafi hafið leit að bílstjóra rútunnar eður ei.

- Auglýsing -

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -