Fleiri ætla sér að ferðast út fyrir landsteinana en innanlands í sumar, ef marka má skoðanakönnun Mannlífs. Fleiri en ef til vill mátti búast við ætla sér hins vegar að sitja heima.
Mannlíf spurði lesendur sína á dögunum hvort þeir hyggðu á ferðalög þetta sumarið. Nú þegar Covid-19 heimsfaraldur er á undanhaldi og takmarkanir og reglur víðast hvar fallnar niður, má reikna með að fleiri leiti á framandi slóðir en síðustu tvö sumur, þegar það hefur vissulega ekki verið með auðveldara móti.
Þegar þetta er skrifað ætla 53 prósent svarenda út fyrir landsteinana í sumar, á meðan tæp 30 prósent ætla sér að ferðast innanlands. Um það bil 76 prósent fleiri ætla sér því að ferðast til annarra landa.
Um 17 prósent svarenda leita hins vegar ekki langt yfir skammt og ætla að halda sig heima yfir sumarmánuðina. Ferðast innanhúss, kannski?
Þess ber að geta að eflaust ætla einhverjir að gera bæði; ferðast erlendis og innanlands.