- Auglýsing -
Slökkviliðið á höfuðborgarsvæðinu sinnti síðasta sólarhring 95 sjúkraflutningum og skiptust þannig að dagvaktin var með 47 og næturvaktin 48. Í tilkynningu frá þeim á samfélagsmiðlinum Facebook segir: „Þetta finnst okkur mikið og sérstaklega á næturvaktinni sem er langt frá því að vera eins mönnuð og dagvaktin.“
Þá fóru dælubílar fóru í þrjú útköll: vatnstjón, eldur í gaskút sem tilheyrði grilli: „ … og svo fórum við í narr.“
Narr er símaat. Þar barst slökkviliði tilkynning um eld sem var uppspuni og bjó innhringjandi til útkallið. Atvikið er litið alvarlegum augum og er nú í höndum lögreglu.
Mynd dagsins er af sexhjóli slökkviliðsins, tveimur starfsmönnum og hundi einum. Hundurinn var í göngu með eiganda sínum sem að féll við í hálku og fótbrotnaði.
„Þetta gerist vel utan alfaraleiða og þá er gott að eiga sexhjól,“ segir að endingu.