Fimmtudagur 30. júní, 2022
11.8 C
Reykjavik

Skjáskot af kæru á hendur Ingólfi vegna líkamsárásar: „Hafi Ingólfur þá kýlt hana í andlitið“

Helgarviðtalið

- Auglýsing -

Orðrómur

- Auglýsing -

Skjáskot af bréfi frá Lögreglustjóranum á höfuðborgarsvæðinu þar sem staðfest er kæra á hendur Ingólfi Þórarinssyni, hefur verið birt á samfélagsmiðlum. Um er að ræða kæru vegna líkamsárásar á hendur konu.

Skjáskotið, sem var upphaflega birt á Twitter, sýnir bréf frá lögreglustjóranum á höfuðborgarsvæðinu, dagsett þann 4. maí síðastliðinn. Í því er svar embættisins við fyrirspurn frá 3. maí þar sem aðili máls óskar eftir upplýsingum um kæru sem lögð var fram á hendur Ingólfi, betur þekktum undir nafninu Ingó veðurguð, vegna líkamsárásar sem sögð er hafa verið framin árið 2017.

Í bréfinu segir að þann 19. júlí árið 2021 hafi meintur brotaþoli komið til að kæra líkamsárás „sem átti sér stað á Hótel Hlemmur Square fyrir fjórum árum síðan.“ Í bréfinu kemur fram að konan sem lagði fram kæruna hafi verið meðvituð um að brotið væri fyrnt, en hafi þó viljað tilkynna það.

Í útlistun á móttöku kærunnar segir að konan hafi „farið með Ingólfi Þórarinssyni á hótelið og hafi hún byrjað að stunda með honum kynlíf. Skyndilega og upp úr þurru hafi hegðun hans breyst verulega og hafi hann farið að hrækja framan í hana.“ Þá kemur fram að konunni hafi brugðið og spurt Ingólf hvað hann væri að gera.

„Hafi Ingólfur þá kýlt hana einu sinni í andlitið.“

Umrætt skjáskot af bréfi Lögreglustjórans á höfuðborgarsvæðinu.

Ingólfur sagði á dögunum eiðsvarinn í dómssal að hann hefði aldrei verið kærður fyrir ofbeldi. Þegar fréttamiðlar tóku að birta nafnlausa frásögn konu sem sagðist sannarlega hafa lagt fram kæru á hendur honum vegna ofbeldis, skrifaði Ingólfur pistil þar sem hann fór mikinn í tengslum við birtingu fréttanna. Þar sagði meðal annars: „Að eg fari svo að kýla konu og hrækja framan í er í besta falli galið en þetta synir hversu langt ákveðnir hópar eru til í að ganga. Hér kemur skýrt fram að ég hef ALDREI verið ákærður fyrir ofbeldisbrot eða kynferðisbrot enda aldrei gert slíkt.“

- Auglýsing -

Með pistlinum birti Ingólfur skjáskot af tölvupósti frá lögmönnum hans þar sem staðhæft er að samkvæmt yfirliti frá Ríkislögreglustjóra hafi engin kæra verið lögð fram á hendur Ingólfi er varðar ofbeldi eða kynferðisbrot. Skjal frá Ríkislögreglustjóra er þó ekki sýnilegt í skjáskotinu, heldur einungis tölvupóstar lögmannanna.

Konan sagðist í samtali við DV á dögunum hvorki treysta sér til að koma fram undir nafni né bera vitni í meiðyrðamálum Ingólfs vegna neikvæðrar umræðu um þolendur og upphrópanir í samfélaginu í kringum mál hans.

„Ég treysti mér ekki til þess að bera vitni í dómsmálinu eða koma fram undir nafni og það er ekki vegna þess að ég hræðist Ingó sjálfan, hann veit hvað gerðist þessa nótt og í framhaldinu, heldur vegna þess hversu óvægin og ljót öll opinber umræða hefur verið. Ég hræðist að það verði gert lítið úr mér eða mér ekki trúað. Ég hef setið og hlustað á vinnufélaga mína verja Ingólf og tala um að konur verði að kæra og að svona mannorðsmorð séu ekki í lagi,“ sagði konan í samtali við DV.

- Auglýsing -

Hún sagði mál sitt hafa verið fyrnt þegar hún kærði, fjórum árum eftir atburðinn, en að hún hafi gefið skýrslu hjá lögreglu og látið henni í té myndir sem hún átti af áverkum sem hún hlaut. Hún segist einnig hafa haft vitni sem hún hefði getað kallað til.

 

Ekki náðist í Ingólf við vinnslu fréttarinnar.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -