2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Skráðum í þjóðkirkjuna fækkað um 1.243 á tæpu ári

Skráðum í þjóðkirkjuna fækkar og nýtt trúfélag lítur dagsins ljós.

 

Alls hefur skráðum í þjóðkirkjuna fækkað um 1.243 manns á tímabilinu frá 1. desember á síðasta ári til 1. nóvember.  Nú eru 231.429 einstaklingar skráðir í þjóðkirkjuna. Þetta kemur fram í grein um skráningar í trú- og lífsskoðunarfélög á vef Þjóðskrár Íslands.

Í greininni kemur einnig fram að fjölgun er mest í kaþólska söfnuðinum og í Siðmennt -félag siðrænna húmanista á Íslandi.

Á tímabilinu frá 1. desember á síðasta ári til 1. nóvember fjölgaði í kaþólska söfnuðinum um 602 manns eða um 4,3% og í Siðmennt um 526 manns eða um 18,7%. Aukning var einnig í Ásatrúarfélaginu eða um 255 manns sem er 5,8% fjölgun.

AUGLÝSING


Nýtt trú- og lífsskoðunarfélag var skráð í október, það fimmtugasta sem skráð er hér á landi. Það er Demantsleið búddismans, níu einstaklingar eru skráðir í það félagið.

Þess má geta að alls voru 25.785 einstaklingar skráðir utan trú- og lífsskoðunarfélaga þann 1. nóvember.

Ekki missa af þessum

Engar færslur fundust.

Annað áhugavert efni

Nýjast á Mannlíf.is

Nýjast á Gestgjafanum