Fimmtudagur 29. febrúar, 2024
-5.2 C
Reykjavik

Krabbameinsfélagið í ímyndarkreppu: Auglýsir eftir eldhuga

VefTv

- Auglýsing -

Hlaðvörp

- Auglýsing -

„Langar þig að finna nýjar leiðir til að takast á við nýjar áskoranir?,“ segir í auglýsingu Krabbbameinsfélags Ísland sem leitar nú eftir nýjum kynningarfulltrúa félagsins. Starfið er sagt mjög spennandi og fjölbreytt.

Krabbameinsfélagið lýsir eftir hæfileikaríkum eldhuga til að stýra og vinna að kynningarmálum félagsins í öflugu teymi sérfræðinga við fræðslu, fjáröflun og miðlun af öllu tagi. Starfið er mjög spennandi og fjölbreytt og hverfist í kringum markmið félagsins og aðildarfélaga þess, sem eru að fækka þeim sem fá krabbamein, draga úr dauðsföllum af völdum krabbameina og bæta lífsgæði þeirra sem fá sjúkdóminn og aðstandenda þeirra.

Grunur leikur á að mistök við greiningu krabbameinssýna hjá Krabbameinsfélaginu nái aftur til ársins 2013. Málum tveggja kvenna sem nú eru látnar af völdum leghálskrabbameins verður vísað til embætti landlæknis. Það kemur því sjálfsagt í hlut nýs kynningarfulltrúa að standa meðal annars fyrir svörum vegna mistaka félagsins síðastliðin ár.

Sævar Þór Jónsson lögmaður er með fimm mál sem tengjast skimunum á sínu borði en alls hafa honum borist um 20 fyrirspurnir vegna slíkra mála. Vísbendingar eru um að mistök hafi verið gerð við greiningu sýna hjá Krabbameinsfélaginu í mörg ár. Eitt málanna sem Sævar Þór vinnur að varðar konu, sem nú er látin, er fór í skimun árið 2013 og var ekki tekin til nánari skoðunar þrátt fyrir að tilefni hafi verið til þess. Konan fór í skimun árið 2013 og lést 2017. Þá er lögmaðurinn einnig með mál konu sem fór í skimun árið 2016 og er einnig látin af völdum krabbameins.

Krabbameinsfélagið endurskoðar nú sýni frá þúsundum kvenna. Mistök i krabbameinsskimun komust í hámæli eftir að kona greindist með krabbamein þrátt f yrir að hafa farið í leghálsskimun árið 2018 og í þeirri skimun kom ekkert athugavert fram. Krabbameinsfélagið hefur viðurkennt mistök sín í málinu og nú er tryggingafélag þess að meta skaðabætur vegna mistakanna.

Í starfslýsingu Krabbameinsfélagsins er óskað eftir einstaklingi sem hefur til dæmis reynslu af kynningarmálum, skrifum frétta, notk­un samfélagsmiðla og samskipt­um við fjölmiðla. Ef þú vilt sækja um starfs sem kynningarfulltrúi Krabbameinsfélagsins getur þú kynnt þér málið betur hér eða sent tölvupóst á netfangið [email protected]. Umsóknarfrestur er til 16. september.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -