• Orðrómur

Rukkuð fyrir það sem þau borðuðu ekki

Efnisorð

Deila

- Auglýsing -

Nú ferðast flestir innanlands, enda fátt annað í boði og landið okkar dásamlegt!

Þó er það nú þannig að margir reyna að maka krókinn og neytendur fá stundum illa á baukinn þegar hungrið sverfur að. Þetta fékk Herdís Inga Óskarsdóttir að reyna er hún pantaði sér borgara á Húsavík í kvöld, ásamt fjölskyldu sinni.

Sanngjarnt getur talist að rukkað sé fyrir viðbótarálegg, t.d. á borgara eða flatböku, en hingað til hefur ekki tíðkast að innheimt sé fyrir mat sem sleppt er. Á Facebook-síðunni Matartips hefur færslan um Veitingahúsið Sölku á Húsavík (færsla Herdísar) vakið gríðarleg viðbrögð og hafa nokkrir bent á að vonandi sé um mistök að ræða. Hér má sjá færsluna:

- Auglýsing -

Sé þetta allt á misskilningi byggt má þó velta fyrir sér hvort eðlilegt geti talist að rukka 150 krónur fyrir hvert það grænmeti sem viðskiptavinur óskar eftir á borgarann. Að því gefnu að ekkert grænmeti var á borgaranum sem berstrípaður kostaði 2.350 krónur.

Hafi maður, skv. færslu, verið svo ólánssamur að panta ostborgara og ekki viljað ostinn þá kostar það 150 krónur að láta fjarlægja ostinn.

- Auglýsing -

Sem fyrr segir létu viðbrögðin ekki á sér standa á Facebook og ekki má nú vanmeta gildi samfélagsmiðla. Hér gefur að líta örfá dæmi um viðbrögð við færslunni:

„Takk fyrir að deila þessu. Hafði einmitt hugsað mér að heimsækja þennan stað í sumar. En ég ætla að sleppa því.“
„Einn laukur kostar um 20 krónur úti búð.. just saying 😶
Þetta er galið verð og fáránlegt að það sé rukkað fyrir að sleppa eh…
Sem betur fer voru þið ekki með börn þið hefðuð farið á hausinn 😅“
„hvernig er hægt að réttlæta það að RUKKA viðskiptavin fyrir það td að vilja ekki ost á borgarann?? Eru þeir gerðir fyrirfram og þarf að fara í þá aðgerð að fjarlægja ostinn??“

Ekki náðist í fólkið í brúnni á veitingastaðnum Sölku á Húsavík við vinnslu fréttarinnar en vonandi er viðbragða að vænta áður en langt um líður. Eftir sem áður verður að teljast nokkuð dýrt að borga 150 krónur fyrir rauðlauk á hamborgara og 450 krónur fyrir 0.3l af appelsíni.

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -