Atli Rúnar Halldórsson, fyrrverandi fréttamaður Ríkisútvarpsins, er harðorður í garð síns gamla vinnustaðar sem hann sakar um að slaufa sér þar sem kemur að umfjöllun um nýja bók hans, Mótbyr í Ólafsvík, meðbyr í Ólafsfirði. „Landsmenn geta svo verið alveg vissir um að þessarar bókar verður ekki getið í Kiljunni á RÚV frekar en neins annars sem við höfum gefið út,“ segir hann. Hann telur fréttastofu stofnunarinnar ástunda vinnubrögð sem ekki séu til sóma og hafi „skapað sér í furðulegt harðlífisástand“ í ákveðnum málum. Hann segir fréttastofuna skorta bæði sjálfsgagnrýni og laxerolíu til að hreinsa sig og vinna traust að nýju.
Þetta kemur fram í viðtali við Atla Rúnar í Eyjafréttum. Hann segir að vegna þess að hann skráði sögu Vinnslustöðvarinnar í Eyjum sé litið á hann sem Samherjamann. Þá fordæmir hann fréttaflutning RÚV af Fiskideginum mikla á Dalvík sem í fréttum hafi verið lýst sem „Samherjasamkomu“ og tengt umfjöllun um spillingarmál Samherja í Namibíu í ákveðnum tilgangi. Hann segir fullyrðingar sinna gömlu samherja á RÚV í þessu samhengi vera „dylgjur, bull og faglegt fúsk“.
Atli Rúnar segist helst vilja stroka út af ferilsskrá sinni þau 13 ár sem hann starfaði á fréttastofunni. Þetta er slæm einkunn fyrir Stefán Eiríksson útvarpsstjóra og undirmenn hans hjá RÚV sem liggja víða undir ámæli vegna meintrar spillingar …