Fæstir botna í þeirri milljónaútgerð Sjónvarpsins að senda teymi undir stjórn Eddu Sifjar Pálsdóttur íþróttafréttamans til Katar. Edda Sif er þar ásamt Heimi Hallgrímssyni fyrrverandi landsliðsþjálfara. Þau eru gjarnan með innslög í fréttatíma Sjónvarpsins um hitt og annað í Katar.
Stjórnvöld í landinu hafa verið fordæmd fyrir andúð sína á samkynhneigðum og meðferð á erlendu verkafólki. Fjöldi þjóða hefur líst óánægju sinni með það að ferðafólki og þátttakendum á heimsmeistaramótinu hafi verið þröngvað til þess fylgja fordómafullum reglum. Þar ber hæst að samkynhneigðir mega ekki hegða sér eins og gagnkynhneigðir og eiga í raun að vera í felum.
Edda Sif sló á nýja strengi í umræðunni og fann ljósið þegar hún fékk sjúkraþjálfarann Jónas Grana Garðarsson í íþróttafréttatíma Sjónvarpsins til að réttlæta framgöngu stjónvalda. Jónas býr ásamt fjölskyldu sinni í Katar og lýsti því hve flest væri gott og blessað í þessu landi fordómanna þótt vissulega mætti finna einhverja hnökra.
Spurt er um dagskrárstefnu Sjónvarpsins þegar iþróttafréttatímar eru orðnir vettvangur réttlætinga á mannréttindabrotum. Athyglisvert er einnig að Edda Sif lýsir almennt ekki leikjum sem fram fara ytra. Það gera íþróttamenn heima á Íslandi. Hlutverk Eddu virðist vera það eitt að vera á vappi í leit að gleðifréttum …