Mánudagur 22. apríl, 2024
4.1 C
Reykjavik

Hannes eltir snjóbolta

VefTv

- Auglýsing -

Hlaðvörp

- Auglýsing -

Hannes Hólmsteinn Gissurarson, prófessor á eftirlaunum, hefur í ýmsu að snúast þessa dagana. Hann er duglegur að þvælast á milli Íslands og Brasilíu þar sem hann lendir í ýmsum ævintýrum.

Lítil orðsending á Facebook-síðu kappans vakti nokkra athygli, eins og Mannlíf greindi frá. Þar lýsti Hannes eftir upplýsingum um það hver hefði kastað snjóbolta í bifreið þingmannsins Diljár Mistar Einarsdóttur. „Hver var karlmaðurinn, sem grýtti bíl Diljáar Mistar 12. febrúar við Alþingishúsið og hreytti í hana ókvæðisorðum? Veit einhver, hver þetta var?“ spurði Hannes og upplýsti að hann væri að skrifa „ritgerð“ um atvikið.

Þekkt er að Hannes hefur hent í nokkrar ritgerðir fyrir velviljuð stjórnvöld og þegið fyrir himinháar upphæðir. Blaðamaður Mannlífs spurði í athugasemd við færsluna hvort hann væri á launum við að skrifa umrædda „ritgerð“. Hannes brást illa við og sakaði blaðamanninn um vanþekkingu þar sem allir ættu að vita að hann væri dálkahöfundur hjá Conservervative!

Vandi Hannesar virðist takmarkaður málskilningur hans. Himinn og haf er á milli ritgerða  og almennra greina. Hannes hefur enn ekki fengið vísbendingu um það hver henti snjóboltanum. Reiknað er með að hann haldi áfram rannsókn sinni í þágu þjóðaröryggis …

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -