Sunnudagur 14. ágúst, 2022
9.8 C
Reykjavik

Völvan ótrúlega sannspá

Helgarviðtalið

- Auglýsing -

Orðrómur

- Auglýsing -

Nú þegar nýtt völvublað er á leið í verslanir er ekki úr vegi að rifja upp hvað rættist hjá völvu Vikunnar í fyrra. Hún sá ansi margt sem er lýsandi fyrir þetta erfiða ár sem nú er að líða.

Völvan sá fyrir stórslys eða einhverja aðra óáran sem myndi þenja heilbrigðiskerfi okkar að ystu þolmörkum. „Og það eiga eftir að gerast erfiðir hlutir á spítölunum,“ sagði hún og síðar. „Mér finnst eins og þrír læknar eigi eftir að koma fram í fjölmiðlum og koma þessari umræðu af stað.“

Völva Vikunnar 2019
Mynd / Unnur Magna

Kórónuveiran og nú síðast hópsmitið á Landakoti hefur óneitanlega skapað slíkt álag og ekki síður opnað augu fólks fyrir því hversu þörfin er mikil fyrir stærra og betra húsnæði fyrir sjúklinga. Þótt Víðir Reynisson sé ekki læknir er óneitanlega freistandi að ætla að hér hafi völvan séð þríeykið, Ölmu Möller, Þórólf Guðnason og Víði Reynisson. Páll Matthíasson forstjóri Landspítalns og Már Kristjánsson yfirlæknir smitsjúkdómalækninga á Landspítlanum hafa ekki síður verið duglegir að koma fram í fjölmiðlum meðan á þessu kórónuveirufári hefur staðið og báðir bent á að aðstæður til að verja sjúklinga séu ekki nægilega góðar og hafi átt stóran þátt í að smitið varð svo útbreitt á Landakoti.

Skjálftar

„Ég sé töluvert af jarðskjálftahringum og jarðskjálfta á suðvesturhorninu sem mun valda tjóni,“ sagði völvan. Allt þetta ár hefur jörð skolfið á Reykjanesi og stundum hrist höfuðborgarbúa hressilega líka. Hrinan á Tjörnesbrotabeltinu fyrir norðan hefur einnig verið snörp og þótt ekki hafi orðið stórtjón í þessum skjálftum hafa munir hrunið úr hillum og ýmislegt smávægilegt látið undan.

Völvublað Vikunnar 2020 kemur í verslanir þriðjudaginn 22. desember

Ferðalög

- Auglýsing -

„Þegar ég horfi inn í næsta sumar finnst mér vera mikil umferð, mikil hreyfing og fólk á faraldsfæti svo ferðalög innanlands gætu aukist,“ sagði völvan og óhætt að segja að þar hafi hún reynst sannspá. Hún sá að fólk myndi ferðast minna en áður til útlanda og meira innanlands en hún sagði landsmenn þó alls ekki hætta utanlandsferðum og ferðaskrifstofur myndu rétta úr kútnum.

Trump á brott

Hún sá að Trump væri á förum úr Hvíta húsinu og að baráttan yrði rosalega milli hans og Biden. Hún var einnig viss um að Bandaríkjamenn væru ekki enn búnir að bíta úr nálinni með þau vandkvæði sem Donald Trump og stjórn hans hafa skapað. Hún sagði að langan tíma tæki að laga klofninginn og koma Bandaríkjunum aftur í þann sess leiðandi þjóðar sem þau hafa haft á alþjóðavettvangi.

Völva Vikunnar 2020
Mynd / Hallur Karlsson
- Auglýsing -

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Elsta tímarit landsins um daglegt líf, tísku, menningu, mat og lífsstíl.

Tryggðu þér árs áskrift og fáðu vikuleg tölublöð á 832 kr. stykkið eða kauptu stakt blað á 1.795 kr.

Nýtt í dag

Mest lesið í vikunni

Í fréttum er þetta helst...

- Auglýsing -