2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Gulldrengirnir í September senda frá sér Nobody Knows

Eyþór Úlfar Þórisson og Andri Þór Jónsson skipa teymið September sem hefur gegnum tíðina unnið með fjölmörgum listamönnum, meðal annars Steinari, Jóni Jónssyni, söngkonunni og lagahöfundinum RAVEN, Tómasi Welding og nú síðast engri annarri en Birgittu Haukdal. 

 

Þeir ákváðu þó núna að stíga í framlínuna og syngur Eyþór sjálfur lagið, sem kallast Nobody Knows og kom út fyrir skömmu. Auk þess að mynda teymið September þá vinna þeir Eyþór og Andri einnig með öðrum listamönnum, bæði saman og í sitt hvoru lagi, meðal annars með Töru Mobee sem tók þátt í Söngvakeppni Sjónvarpsins fyrr á þessu ári.

Eyþór syngur lagið Nobody Knows.

Andri hefur sjálfur unnið með tónlistarmanninum Birgi sem hefur gengið gríðarlega vel að ná út fyrir landsteinana á streymisveitum, sérstaklega með laginu Can You Feel It sem hann hlaut nýverið platínuspilun fyrir, en þegar þetta er skrifað er lagið að detta í 15 milljón spilanir á Spotify.

AUGLÝSING


Við samantekt á öllum lögum sem Andri og Eyþór hafa komið að, þá hafa þau lög samtals fengið um 22 milljónir streyma á Spotify. Það er því viðeigandi að tala um gullfingur, allavega þegar kemur að tónlist á streymisveitum.

Ekki missa af þessum

Annað áhugavert efni