- Auglýsing -
Í kvöld, föstudaginn 10. maí verður þriðja kvöldið í Hipp-Hopp Jam-syrpu DJ Bricks/Bróður BIG haldið á Boston.
Eins og áður verður klassískt, gamla-skóla, gullaldar, hreinræktað Boom Bapp hipp-hopp á boðstólnum og að þessu sinni verða það rappararnir Kilo, Ruddagaddur og GasMask Man sem sjá um að skemmta gestum ásamt DJ Bricks.
Ekki er um hefðbundna tónleika að ræða heldur eru hljóðnemarnir látnir ganga milli manna og ekkert ákveðið fyrir fram, eingöngu leikið eftir eyranu. Einnig verður „opinn hljóðnemi“ og hverjum sem er frjálst að grípa í hann.
Rapparar, söngvarar, hljóðfæraleikarar og annað tónlistarfólk er hvatt til að vera með. Fjörið hefst klukkan 22, enginn aðgangseyrir.