Fimmtudagur 28. mars, 2024
-3.2 C
Reykjavik

Óperufrumflutningur á Seyðisfirði í sumar

VefTv

- Auglýsing -

Hlaðvörp

- Auglýsing -

Listafólk frá Austurlandi mun frumflytja óperuna The Raven’s Kiss eftir Evan Fein og Þorvald Davíð Kristjánsson í Herðubreið á Seyðisfirði þann 23. ágúst.

Kveikjan að uppfærslunni vaknaði hjá Bertu Dröfn Ómarsdóttur söngkonu og Þorvaldi Davíð Kristjánssyni leikara, en þau eru ættuð að austan og hafa látið sig dreyma um að fara austur með metnaðarfullt verkefni.

Markmið verkefnisins er að gefa þeim fjölmörgu listamönnum sem eiga rætur að rekja til Austurlands vettvang til að vinna saman og mynda tengslanet sem vonandi leiðir af sér blómlegt samstarf. The Raven’s Kiss er ópera í tveimur þáttum. Evan samdi tónlistina en Þorvaldur skrifaði söguþráðinn og textann. Þeir kynntust í The Julliard School í New York, þar sem þeir stunduðu nám. Sameiginlegur áhugi þeirra á norrænum þjóðsögum varð kveikjan að samstarfinu og unnu þeir verkið að miklu leyti hérlendis.

Óperan er skrifuð fyrir fimm einsöngvara og litla hljómsveit. Sagan gerist í litlu sjávarþorpi og er byggð á íslenskri þjóðsögu. Dularfull kona, framandi og fögur, kemur óvænt í þorpið – og við það breytist líf, hegðun og hugsun heimamanna.

Aðalmarkmið verkefnisins er að sameina austfirskt listafólk, sem er að gera það gott á sínu sviði, erlendis og hérlendis. Með svona metnaðarfullri uppfærslu, frumflutningi á óperu er hægt að skapa jákvæðar fyrirmyndir fyrir þá heimamenn sem vilja feta sömu leið og ungt fólk sér áhrif þess að leggja sig fram í því sem það vill gera í framtíðinni.

Söfnun fyrir uppsetningunni má finna á Karolina Fund.

 

- Auglýsing -

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -