2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Tónlistartíðindi vikunnar í boði Albumm

Í fréttum vikunnar á Albumm.is fer Ásgeir Börkur Ásgeirsson yfir það helsta sem var að gerast í íslenskri tónlist og menningu í vikunni sem leið. Fréttir vikunnar eru í samstarfi við Skúbb ÍsgerðNeon og framleitt af Thank You Studio fyrir Albumm.is

Í fréttum er þetta helst:

Útataður í tjöru og M&M og horfa á Dallas í heild sinni

Tónlistarmaðurinn Ari var að senda frá sér brakandi ferska plötu sem ber heitið Radikoj. Ari er með svokallaðan “publishing” samning í London en hann segist vera ansi slakur við að koma sjálfum sér á framfæri hér heima á klakanum.

„Ég er að spá í að vera með gjörning á Arnarhóli og kveikja í hljóðfærunum mínum, alsber, útataður í tjöru og M&M og skríða svo inn í kassann hans Almars og horfa á fimmtu seríu af Dallas í heild sinni þegar ég er búinn með þriðju plötuna” segir Ari að lokum alvarlegur.

AUGLÝSING


Styttist í þriðju plötu Of Monsters and Men

Hin víðfræga hljómsveit Of Monsters And Men mun gefa út sína þriðju breiðskífu þann 26. júlí næstkomandi og mun hún bera heitið Fever Dream. Fever Dream hefur að geyma meiri kraft en fyrri plötur og liðsmenn sveitarinnar voru óhrædd við að fara nýjar leiðir í lagasmíðum sínum. Mikil eftirvænting er eftir plötunni en hún kemur formlega út þann 26. júlí næstkomandi.Hægt að forpanta plötuna á vefsíðu sveitarinnar.

Tveir niðurdregnir trúða

Ísak Ásgeirsson og Karolina Thunberg skipa sænsk/íslenska dúóið Baula en þau voru að senda frá sér lagið „I am the fire.” Sveitin leggur nú lokahönd á sínu fyrstu EP (stuttskífu) plötu sem ber heitið Drought en hún kemur út á vegum Youth Recordings 27. Maí næstkomandi. Hægt er að hlusta á I am the fire á Albumm.is.

„Sólríkir og bjartir dagar framundan”

Tónlistarfrændurnir Hreinn Elías og Sigurmon Hartmann sem hafa skipað ýmsar sveitir í gegnum tíðina eru mættir til leiks með nýja hljómsveit sem ber heitið Congo Bongo. Fyrsta smáskífa Congo Bongo „Human” kom út fyrir stuttu. Hreinn og Sigurmon eru nýkomnir úr borg englanna, Los Angeles, þar sem þeir sóttu tónlistarráðstefnu ásamt fríðu föruneyti frá Norðurlöndunum. Tengslin sem við náðum að mynda eiga eftir að reynast okkur ótrúlega vel í framtíðinni. Segja drengirnir að lokum! Tékkið á laginu þeirra á Albumm.is.

Skúbb
Neon
Thank You Studio

Ekki missa af þessum

Annað áhugavert efni