Þriðjudagur 27. febrúar, 2024
2.8 C
Reykjavik

Allsherjargoðinn fótbrotnaði í brúðkaupi við Landamannalaugar: „Gestir héldu áfram að skemmta sér“

VefTv

- Auglýsing -

Hlaðvörp

- Auglýsing -

Allsherjargoðinn Jörmundur Ingi Hansen átti ekki sinn besta dag í júlí árið 2001.

Jörmundur var við störf að gifta kvikmyndagerðarfólk frá Hollywood fallegan júlídag árið 2001. Þegar hann var búinn að ljúka sínum störfum fótbrotnaði hann illa en athöfnin fór fram við Landamannalaugar.

„Ég hringbrotnaði um ökklann og má ekki stíga í fótinn í einar þrjár vikur,“ sagði Jörmundur í samtali við DV um málið en hann dvaldi hjá móður sinni í Árbænum meðan hann var fótbrotinn. „Þetta vildi þannig til að þegar leið á brúðkaupsveisluna vildu veislugestir hlaupa upp á næsta fjall í næturkyrrðinni og taldi ég það hinn besta kost enda við öll búin að skála vel í dýrum veigum. Ferðin upp gekk vel en á leiðinni niður skrikaði mér hins vegar fótur með þeim afleiðingum sem fyrr getur.“.

Brúðkaupsgestir báru Jörmund niður af fjallinu þar sem foreldrar brúðgumans tóku við honum og keyrðu til byggða. „Þetta var hin skemmtilegasta veisla og ég er viss um að gestir héldu áfram að skemmta sér fram eftir nóttu þó ég væri farinn brotinn á brott. Þetta var skemmtilegt fólk og veitingarnar líka; grillað lambakjöt, rauðvín og viskí eins og hver vildi hafa. Orsök óhappsins tel ég þó vera þá staðreynd að ég er orðinn rúmlega hundrað kíló og fæturnir hafa einfaldlega ekki þolað byrðina í brattri fjallshlíðinni en þarna er hallinn um 45 gráður,“ sagði Jörmundur að lokum.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -