Þriðjudagur 23. apríl, 2024
2.6 C
Reykjavik

9 mánaða stúlka yngst greindu

VefTv

- Auglýsing -

Hlaðvörp

- Auglýsing -

Að minnsta kosti 80 hafa látist af völdum kórónaveirunnar 2019-nCoV. Um 2.800 tilfelli hafa verið greind í Kína, þar af 1.400 í héraðinu Hubei. Sá yngsti sem greinst hefur með veiruna er 9 mánaða stúlkubarn.

Að sögn borgarstjórans í Wuhan, höfuðborg Hubei, fá nú um 3 þúsund manns meðferð við veirunni. Hann segir hins vegar líkur á að um helmingur muni greinast jákvæður. Flest dauðsfallanna, eða 76, hafa átt sér stað í Hubei en einn lést í Sjanghæ á laugardag. Þar búa 24 milljónir manna.

Átta tilvik hafa greinst í Hong Kong og önnur átta á Taílandi. Þá hafa fimm tilvik greinst í Bandaríkjunum, Taíwan, Ástralíu og Macau, fjögur í Singapore, Japan, Suður-Kóreu og Malasíu, þrjú í Frakklandi, tvö í Kanada og Víetnam og eitt í Nepal.

Mynd / epa

Enginn hefur látist úr veirunni utan Kína.

Borgarstjóri Wuhan, Zhou Xianwang, og fleiri embættismenn hafa boðist til að segja af sér en mikillar óánægju gætir með hæg viðbrögð staðaryfirvalda þegar veiran fór fyrst að dreifa sér meðal manna. Þá hafa íbúar einnig mótmælt ferðabanni sem komið var á í hinni 11 milljón manna borg en Zhou hefur varið ákvörðunina, sem hann sagði fordæmalausa.

Kínversk stjórnvöld hafa lengt nýársorlof launþega um þrjá daga en fallið hefur verið frá ýmsum hátíðarhöldum sem voru skipulögð vegna áramóta. Hundruðir milljóna Kínverja ferðast jafnan á þessum tíma árs til að hitta fjölskyldu og vini eða fara í frí, sem gerir yfirvöldum erfiðara fyrir við að bregðast við og reyna að hamla útbreiðslu veirunnar.

Lestu: Ríkislögreglustjóri lýsir yfir óvissustigi vegna kórónaveiru

- Auglýsing -

Margir ferðamannastaðir hafa lokað tímabundið, þeirra á meðal hlutar Kínamúrsins, Forboðna borgin og Disney-garðarnir í Sjanghai og Hong Kong.

Íbúar í Wuhan hafa ennþá aðgang að mat og nauðsynjavörum. Þó eru mörg apótek orðin uppiskroppa með andlitsgrímur, sótthreinsandi og aðrar vörur sem eru taldar hjálpa til við að verja fólk gegn veirunni.

Fjöldi ríkja hefur ákveðið að flytja ríkísborgara sína á brott frá Wuhan, þeirra á meðal Bandaríkin, Frakkland, Japan og Rússland. Fregnir hafa borist að því að bandarískur faðir þriggja barna hafi afþakkað boð um heimflutning, þar sem eiginkonu hans, sem er kínverskur ríkisborgari, bauðst ekki að fara með honum.

- Auglýsing -

Umfjöllun New York Times.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -