Agnes Sigurðardóttir, biskup Íslands, hefur þótt stríðsglöð með endemum. Innan kirkjunnar hefur verið vaxandi óánægja með hana og verklag hennar og stallara hennar, Péturs Markan biskupsritara. Prestar og starfsmenn kirkjunnar hafa verið hraktir úr embættum sínum og fjármál kirkjunnar eru í ólagi. Þá hefur fjöldi fólks sagt sig úr Þjóðkirkjunni og leitar annarsstaðar að ljósinu.
Helstu andstæðingar Agnesar hafa leitað leiða til að losna við hana úr embætti og tryggja þannig frið og manngæsku en hún hefur setið sem fastast. Nú virðist sem Agnes finni að það er tekið að hitna undir henni og hún fann útleiðina. Hún gaf það út í nýðárspredikun sinni að hún væri stolt af verkum sínum sem biskup en jafnframt að hún ætlaði að setjast í helgan stein eftir 18 mánuði. Með þessum langa „uppsagnarfresti“ slær hún vopnin úr hondum andstæðinga sinna og situr væntanlega ótrufluð það sem eftir lifir starfsævinnar …