- Auglýsing -
Þórólfur Guðnason, sóttvarnalæknir, segir það vonbrigði að bóluefnin hafi ekki búið til hjarðónæmi. Þrátt fyrir það hafa þau gert mikið gagn, en það er ótvírætt að bóluefnin hafa dregið úr alvarlegum veikindum fólks.
Þá sagði Þórólfur vera orðið tímabært að ná fram hjarðónæmi með því að láta kórónuveiruna halda áfram að ganga á milli manna. Reyna þyrfti þó að koma í veg fyrir alvarleg veikindi, með því að hlífa viðkvæmum hópum.
Fyrra markmið sem var að útrýma kórónuveirunni úr samfélaginu væri ekki lengur möguleiki. „Við getum í raun og veru ekki gert neitt annað,“ sagði hann.
Þórólfur var gestur Bylgjunnar í morgun í þættinum Sprengisandi þar sem hann ræddi þessi mál.