Fyrrum leikmaður liðanna Chealsea og Real Madrid, Alvaro Morata, eignaðist sitt fjórða barn á dögunum með eiginkonu sinni, Alice Campello. Móðirin liggur illa haldin á gjörgæsludeild eftir fæðinguna.
Alvaro tilkynnti komu dóttur þeirra á Instagram og fékk hún nafnið Bella. Hann segir fæðinguna hafa gengið vel. „Bella kom í heiminn þann níunda, hún er yndisleg. Mamman átti góða fæðingu en því miður fór eitthvað úrskeiðis eftir á og við óttuðumst um líf hennar. Hún er sterk og er hægt og rólega að ná bata. Hún er á gjörgæslu og í góðum höndum frábærra lækna,“ sagði leikmaðurinn á Instagram en hann segist ekki ætla að gefa nánari skýringar á ástandi eiginkonu sinnar.
Hjónin eiga saman þrjá eldri syni, tvíburana Alessandro og Leandro, fjögurra ára og hinn tveggja ára Edoardo.