Engin jarðarför verður fyrir Nágranna-stjörnuna Troy Beckwith, sem lést á dögunum aðeins 48 ára að aldri.
Samkvæmt systur Troy, lést leikarinn, sem þekktastur var fyrir hlutverk sitt sem Michael Martin í Nágrönnum frá 1992 til 1998, eftir erfiða baráttu við krabbamein.
Ættingi Troy, Shane Beckwith sagði á samfélagsmiðlum frá dánarorsökum frænda síns í dag. „Fjölskyldan vill að allir viti að Troy barðist hetjulega við krabbamein.“ Þá var einnig tilkynnt að engin jarðarför fari fram en það hafi verið að ósk leikarans sjálfs.
Talið er að einungis nánustu aðstandendur Troy hafi vitað af krabbameininu, fyrir andlát hans. Systir Troy, Luanita Sanger, tilkynnti upprunalega þær sorglegu fréttir að bróðir hennar væri látinn, á samfélagsmiðlum en hún skrifaði: „Troy, við munum alltaf muna prakkaralega og smitandi hlátur þinn. Allir elskuðu þig. Maður minn, hvað við skemmtum okkur vel þegar við ólumst upp. Frjáls andi sem ekki var hægt að halda aftur af. Og sögurnar … við gætum skrifað bók! Ég veit að mamma verður svo ánægð að hitta aftur strákinn sinn. Loksins friður. #cancersux“