Fjölskylda Rachel Morin, sem fannst myrt við Ma & Pa gönguleiðina í Baltimore í ágúst síðastliðinn, hefur birt myndskeið á YouTube þar sem fólk er hvatt til að gefa upplýsingar sem gætu orðið til þess að morðinginn verði handsamaður.
Í hinu 30 sekúndna myndskeiði biðlar Patty Morin, móðir Rachel til almennings um hjálp. „Hún var fimm barna móðir. Hún er systir. Einhver greip bara í hana, og tók hana,“ sagði Patty.
Þá birtust teikningar sem gerðar hafa verið af grunuðum morðingja en lífssýni úr honum fannst eftir annan glæp í Los Angeles borg en hann hafði þá ráðist á unga stúlku á heimili hennar. Voru teikningarnar gerðar eftir lýsingu stúlkunnar og fjölskyldu hennar sem sá manninn.
Tæpar fimm milljónir króna erur í verðlaun fyrir þá sem geta gefið upplýsingar sem leiða til handtöku og sakfellingar.