Leyniskyttur ísraelska hersins drápu tvö palestínsk börn í árás á Jenin-flóttamannabúðunum á Vesturbakka Palestínu í gær.
Adam Samer al-Ghoul, átta ára gamall, var skotinn í höfuðið af leyniskyttum ísraelska hersins og Basil Suleiman Abu al-Wafa, 15 ára, var skotinn í bringuna. Báðir létust þeir af sárum sínum.
Fram kemur í frétt Al Jazeera að ísraelski herinn hafi neytt íbúa ad-Damj hverfisins á Vesturbakkanum, að yfirgefa heimili sín, með valdi og eyðilögðu svo götur hverfisins. Þá notaði herinn einnig flygyldi til að sprengja hús.
Í sameiginlegri tilkynningu ísraelskra fjölmiðla, landamæralögreglunnar, ísraelska hersins og Shin Bet öryggisstofnunarinnar, kemur fram að herinn hafi drepið tvær manneskjur sem tóku þátt í vopnaðri andspyrnu, en annar þeirra hafi verið lykil leiðtogi. Nöfn þeirra eru Muhammad Zubeidi og Hussam Hanoun. Í tilkynningunni er viðurkennt að tvær aðrar manneskju hefðu látist í kjölfar átaka á svæðinu.
Samkvæmt tilkynningunni voru 17 Palestínumenn handteknir í árásinni.
Myndskeið úr öryggismyndavélum hefur verið í dreifingu á samfélagsmiðlunum en þar sést drengur falla í götuna í flóttamannabúðunum, eftir að hafa orðið fyrir byssukúlu. Í öðru myndbandi sést drengur fá í sig skot og liggja í götunni, kallandi á hjálp á meðan fleiri kúlum rignir í kringum hann.
Eldri drengurinn sést berjast fyrir lífi sínu á jörðinni í að minnsta kosti hálfa mínútu.
Þá komu ísraelskir skriðdrekar í veg fyrir að sjúkrabílar kæmust á svæðið til að huga að slösuðum.
Ísraelski herinn hafa nær daglega gert skyndiárásir á Vesturbakkanum frá 7. október. Samkvæmt PPS (Palestínska fangasamfélagið) og fangamálastofnun Palestínu, hafa hersveitir Ísraela handtekið 35 Palestínubúa á Vesturbakkanum síðasta sólarhring, þar af einn 12 ára.
Frá 7. október hafa fleiri en 3.325 verið handteknir á Vesturbakkanum og að minnsta kosti 242 verið drepnir, þar af 50 börn. Þá hafa meira en 2,750 slasast.
Hér má sjá annað myndskeiðið en viðkvæmir eru varaðir sterklega við.
CCTV footage documenting the moment when 9-year-old #Palestinian boy Adam al-Ghoul was shot dead by an Israeli sniper in Jenin, north of the occupied West Bank, a few minutes ago.
His name was Adam al-Ghoul.
8200 Palestinian children were killed in Gaza in less than one and a… pic.twitter.com/txZOrYE8bz
— AHMED | أحمد (@ASE) November 29, 2023