Hinn 67 ára gamli breti, David Fuller, játaði í fyrir dómi í Bretlandi að hafa orðið Wendy Knell, 25 ára, og Caroline Pierce, 20 ára, að bana, í tveimur árásum í Tunbridge Wells í Kent.
Fuller játaði að auki að hafa níðst kynferðislega á fjölda líka í líkhúsum sjúkrahúsa.
Saksóknarar í málinu segja að mál Fullers sé eitt það versta sinnar tegundar í breskri sögu.
Fram kemur í The Guardian að fyrir dómi hafi komið fram að eftir að Fuller myrti konurnar hafi hann misnotað lík þeirra kynferðislega.
Þá kom einnig fram að hann hafi níðst á líkum kvenna í líkhúsum tveggja sjúkrahúsa sem hann starfaði hjá á sínum tíma.
Lögreglan hefur fundið um eitt hundrað hugsanleg fórnarlömb Fullers.
Þegar lögreglan gerði húsleit heima hjá Fuller fann hún hvorki meira en minna en fjórar milljónir ljósmynda af kynferðisofbeldi.
Megninu af myndunum hafði Fuller hlaðið niður af netinu, en einnig fundust upptökur af Fuller að níðast á líkum.