Rapparinn PnB Rock er látinn, einungis 30 ára gamall. Hann lést í skotárás í vopnuðu ráni í Los Angeles-borg.
Samkvæmt Los Angeles Times lést rapparinn sem þekktastur er fyrir lög á borð við Selfish og I Like Girls í gær í skotárás á veitingastaðnum Roscoe´s Chicken & Waffles í suðurhluta Los Angeles.
Lögreglan staðfesti við E! News að maður hafi verið skotinn til bana á Manchester Ave en gátu ekki fullyrt um hvert fórnarlambið væri. Öryggismyndavélar náðu árásinni.
„Fórnarlambið sat við borð og var að snæða ásamt kvenkyns vitni í málinu, þegar sá grunaði nálgaðist hann,“ sagði Kelly Muniz lögreglustjóri við fréttamenn. „Sá grunaði tók svo upp byssu sína og heimtaði eignir fórnarlambsins.“
Muniz hélt áfram: „Hinn grunaði hleypti svo af fjöldi skota á manninn og virðist svo hafa fjarlægt einhverjar eignir hans. Hversu mikið hann tók er ekki vitað að svo stöddu.“
Lögreglan leitar enn morðingjans.