Systkinin Patrick Syebing og Susan Karolewski berjast nú fyrir því að sifjaspell verði gerð lögleg.
Patrick og Susan voru aðskilin sem börn eftir að hann var sendur í fóstur. Meira en tuttugu árum síðar lágu leiðir þeirra saman á ný þegar Patrick leitaði uppruna síns, hann deildi þá herbergi með Susan sem er með þroskaskerðingu. Samband þeirra varð minna viðeigandi eftir að móðir þeirra lést.
Ólöglegt samband þeirra hefur gefið af sér fjögur börn en tvö þeirra eru með alvarlega þroskaskerðingu.
Parið, sem er búsett í Þýskalandi, hafa barist síðan árið 2001 fyrir því að lögum um sifjaspell verði breytt. Þau fóru með mál sitt til Mannréttindadómstól Evrópu árið 2012 en þá hafði Patrick fengið tvo fangelsisdóma fyrir sifjaspell.
Þau segja sjálf að þau sjái ekkert rangt við sambandið og hafi ekki vitað að það væri ólöglegt þegar þau byrjuðu saman.
„Ég varð að vernda systur mína, hún er mjög viðkvæm. Við hjálpuðum hvoru öðru á mjög erfiðu tímabili í lífi okkar og sambandið þróaðist í þá átt að verða líkamlegt,“ sagði Patrick í samtali við Mail Online.