Feðgarnir Jónas Kristinn Jóhannsson og Jón Jónasson eiga saman óvanalegt en ákaflega spennandi áhugamál. Þeir búa til gullfallegar hauskúpur. Þeir búa þær til algerlega frá grunni en þær eru steyptar. Þetta hafa feðgarnir fengist við í rúmt ár.
Kveikajan
Jónas segist aðspurður, hvað olli því að þeir feðgar hafi byrjað að búa til þessa fallegu gripi, að þeir hafi séð verk eftir Ástrala sem er að gera mjög flottar hauskúpur. Feðgarnir heilluðust og ákváðu að byrja að prófa sig áfram í gerð hauskúpanna. Jónas segir að í byrjun hafi þeir pantað sér hauskúpur að utan sem grunn en það varð aldrei flott og gekk ekki upp. Þá ákváðu þeir að prófa sig áfram með að steypa þær frá grunni og afraksturinn er það sem sjá má á meðfylgjandi myndum. Þeir halda úti Facebook síðu undir nafninu Hauskúpur J&J þar sem hægt er að skoða verk þeirra feðga.
Íslenskt handverk
Það er alltaf gaman að sjá íslenskt handverk og einnig að eiga gripi sem eru smíðaðir frá grunni á Íslandi. Það eykur ánægjuna þegar handverkið er einstakt eins og hauskúpur þeirra feðga eru svo sannarlega.
