Femínistar virðast vera komnir í hár saman ef marka má orðaskipti og stöðuuppfærslur á Twitter seint í gærkveldi og nótt. Sumum ummælum hefur nú verið eytt sem og stöðuuppfærslu sem Helga Benediktsdóttir einn meðlimur Öfga setti fram á Twitter. Sú stöðuuppfærsla varð til þess að Edda Falak hefur séð sig knúna til þess að svara á sínum Twitter aðgangi.
Ef marka má innlegg Eddu Falak á Twitter reikningi sínum hefur Helga Ben setti inn stöðuuppfærslu á sínum Twitter reikningi sem fól í sér gagnrýni á þá femínista sem hafa marga fylgjendur á samfélagsmiðlum og nýta sér ekki stöðu sína í baráttunni gegn kynferðisofbeldi sem hefur verið í gangi upp á síðkastið. Helga Ben virðist hafa eytt þeirri færslu en hún var svo hljóðandi:
„Ef þú ert opinber femínskur áhrifavaldur, en hefur ekki látið í þér heyra síðustu daga og vikur. Þá máttu fokka þér“
Stöðuuppfærsla Eddu Falak sem er í raun svar hennar við orðum Helgu Ben, er eftirfarandi: „Þetta er alls ekki að hjálpa umræðunni. Það þarf engin að berjast opinberlega öllum stundum! við vitum ekki hvað fólk er að ganga í gegnum. Getum við sýnt smá tillitssemi og hætt að leika einhverjar hetjur?“.
Helga Ben svarar Eddu Falak og segir: „Ég má alveg vera pirruð að fólk með platform noti það ekki þegar ég með ekkert platform er að vinna frá morgni til kvölds til þess að koma þessum málefnum á framfæri“ Edda segir Helgu að hún megi gera það sem henni sýnist, að hún sé einungis að benda á það að þurfi að sýna öðru fólki tillitsemi þó það sé með stóran hóp fylgjenda.
Brynhildur Yrsa, meðlimur hópsins Öfga blandar sér þá í umræðuna um spyr Eddu: „Benda á ? Þetta kallast ekki að benda á í minni sveit“. Edda svarar og segir: „Stelpur, ég er alveg all in með ykkur í þessari baráttu. Finnst samt mikilvægt að muna að það eru ekki allir sem vilja taka þátt öllum stundum. Margir triggeraðir og eru hvíla sig. Beinum bara umræðunni í rétta átt, sem er ekki að skjóta niður aðra femínista“ Ummæli Eddu hafa farið illa í Brynhildi Yrsu og loka orð hennar eins og hún sagði sjálf voru þessi: „by all means ekki segja stelpur þegar ein stelpa segir eitthvað. Ef eitthvað gerir mig pissed er það þegar fólk eignar mér orð sem ég hef ekki mælt. Svo by all means again, ekki segja stelpur þegar eg hef ekkert sagt neitt um þetta efni“.
Hulda Hrund sem er einnig ein kvennanna á bak við Öfga spyr Eddu: „Hver að þínu mati er að leika hetju? Er bara að reyna að átta mig á þessu. Þú segir fyrir ofan að við séum allar í þessu saman en þetta hetjur comment er ekki uppbyggjandi á neinn hátt“. Edda svarar Huldu Hrund : „segja öðrum að fokka sér vegna þess að það er ekki opinberlega í umræðunni? kommon stelpur“. Hulda Hrund sem er greinilega ekki sátt segir: „Það má vel vera að orðalagið henti ekki öllum. Það má vissulega skoða alveg eins og að kalla það hetjuskap sem þú hér setur út á.“ Brynhildur Yrsa lætur þá í sér hvína: „Þetta hetjukomment er hallærisleg leið til að hjóla í manninn. Ég þoli hvorki hallærisheit né þegar fólk hjólar í manninn“.
Það er ljóst að það eru einhver illindi á milli kvennanna sem verður að teljast miður því ef þeim er annt um baráttuna þá er þetta ekki rétta leiðin, að veitast að hvor annarri. Laufey Ebba bendir þeim á nákvæmlega það: „Þegar við byrjum að skjóta hvor aðra fellur þetta um sjálft sig.. þannig ég er sammála þér með þetta, finnst þetta óþarfi og stundum er maður bara ekki orku í svona stúss..OG það er ekkert allra að taka þennan slag“.
Hér má sjá innlegg Eddu Falak í heild sinni utan þess auðvitað sem hefur nú þegar verið eytt.