Það fór illa fyrir drengjunum fjórum sem ferðuðust saman á einni vespu í Kópavogi. Aðeins einn þeirra var með hjálm. Sá sem ók vespunni missti stjórn á henni og þeir duttu og meiddust. Þrír drengirnir voru lítið sem ekkert slasaðir en einn fékk höfuphögg og missti meðvitund í skamma stund og var fluttur á Bráðamóttöku. Hann er talinn hafa fengið heilahristing. Foreldrar drengjanna voru kallaðir til.
Á allt öðrum stað á höfuðborgarsvæðinu ók maður á kyrrstæða bifreið og tjónvaldur brunaði í burtu. Lögreglan sýndi snerpu og elti ökumanninn uppi. Hann er grunaður um akstur bifreiðar undir áhrifum áfengis og fíkniefna. Maðurinn var læstur inni í fangageymslu lögreglu og verður yfirheyrður þegar líður á morguninn.
Annar ökumaður var stöðvaður í miðborginni. Sá er talinn síbrotamaður hvað það varðar að aka án réttinda og í óboðlegu ástandi. Hann er enn einu sinni grunaður um akstur bifreiðar undir áhrifum fíkniefna og án gildra ökuréttinda.
Í miðborginn var tilkynnt um skemmdarverk. Búið var að skera á dekk og reynt að kveikja í bifreiðinni.
Ökumaðurinn sem stöðvaður var og grunaður um akstur bifreiðar án gildra ökuréttinda neitaði að segja til nafns að kröfu lögreglu. Lögreglan fann út hver maðurinn er og verður honum refsað eftir því sem lög heimila.
Þetta var því nótt hinna brotlegu ökumanna.