Gísli Marteinn var gestur í hlaðvarpsþættinum Eigin Konur hjá þeim Eddu Falak og Fjólu Sigurðardóttur. Þáttinn sem kom út í gær 19. júlí má finna hér.
Margt málefnið bar á góma í þættinum svo sem stjórnmál, samgöngur, mataræði, umhverfisvernd, fjölmiðla og tjáningarfrelsi þeirra. Edda Falak kallaði Gísla hinn fullkomna mann meðal annars því hann væri jákvæður, hugsar um umhverfið og á ekki bíl. Sjálfur sagðist Gísli vera hálfgerður Reynir Pétur því nú gengi hann allra sinna ferða. Áður kvaðst hann hafa hjólað allra sinna ferða en hjólið hans hafi ryðgað í sundur og hann væri ekki búinn að finna slíkt hjól hér á landi aftur, því gengur Gísli allra sinna ferða.
Slaufunarmenning
Í kjölfar umræðunnar um tjáningarfrelsi fjölmiðla fóru þau að ræða slaufunarmenniningu. Edda innti Gísla Martein eftir svari við því hvað honum þætti um fyrirbærið. Gísli Marteinn svaraði því til að honum þætti hugtakið slaufunarmenning ef til vill og gildishlaðið. Gísli sagði að sennilega upplifðu margir að tónlistarmönnunum Auði og Ingó hefði verið slaufað en ef horft væri á málin án þess að einblína á mál þeirra sem eru ný og í gangi um þessar mundir, „Hefur einhverjum verið cancelað á Íslandi ?“. Hann minntist þess alls ekki að það hefði nokkrum eða nokkrum verkum listamanna né annarra verið slaufað á Íslandi. Enn fremur sagði Gísli að fyrirbærið væri ekkert nýtt og hann hreinlega skildi ekki af hverju mörgum virtist þetta svona mikið vandamál.
Hver var tekinn af lífi ?
Gísli fór líka inn á það sem er mikið notað í umræðum sem þessum, það að verið sé að taka fólk af lífi: „Ég sé þetta ekki sem eitthvað svakalegt vandamál, eða að það sé verið að taka fólk af lífi“ sagði Gísli Marteinn og varpaði fram annarri spurningu „Hver hefur verið tekinn að lífi og ekki átt afturkvæmt ?“.
Valdaminna
Gísli Marteinn var greinilega með sterkar skoðanir á slaufunarmenningu og öllu því umtali sem hefur verið í kringum öll þau fjölmörgu meintu kynferðisbrot sem upp hafa komið upp á síðkastið. Gísli sagði „Ég veit um fullt af strákum sem enn þá eru í umræðunni út af kynferðisofbeldi en lifa flottu lífi“ og þær Edda og Fjóla tóku undir það hjá kappanum. Gísli sagði að valdaminna fólki væri oft slaufað af þeim sem valdameiri væru í samfélaginu en breytingin sé að með tilkomu samfélagsmiðla sé valdaminna fólkið að fá rödd.