- Auglýsing -
Kattamatur hefur hækkað gríðarlega í verði undanfarna mánuði. „Hvers á 🐈 að gjalda? 52% hækkun á innan við ári,“ segir einn meðlimur inn á grúppunni Vertu á verði á Facebook. Þar bendir hann á sláandi hækkun á tveggja kíló poka af Remi kattamat. Í byrjun september kostaði pokinn, sem keyptur er í Bónus, 498 krónur en nú kostar pokinn 759 krónur. Á rúmum sex mánuðum hefur fóðrið því hækkað um 52,4 prósent.
Gæludýraeigendur finna svo sannarlega fyrir þeim verðhækkunum sem hafa orðið undanfarið. Hækkunin er langt umfram aðrar hækkanir sem dynja á neytendum þessi misserin.