Guðrún segir að von sé á nýjum heimsfaraldri: „Langlík­legastur er heims­far­aldur in­flúensu“

Guð­rún Aspelund sótt­varna­læknir segir að bar­áttan við Co­vid-19 sé ekki búin.

Hún segir einnig að sé von á nýjum heims­far­aldri sem að öllum líkindum verði inflúensa; Guðrún nefnir að það sé ekki spurning hvort heldur hve­nær næsti heims­far­aldur gangi yfir:

„Við eigum alveg örugg­lega von á ein­hverju,“ segir Guð­rún í ­þættinum Manna­mál sem fer í loftið í kvöld á Hring­braut.

Í þættinum fer Guðrún yfir mögu­lega heims­far­aldra sem mann­kynið þarf að kljást við á næstu árum; en vegna lofts­lags­breytinga sem og hlýnunar jarðar sé mögu­leiki á að illvígar pestir sem herji á heitari lönd færi sig yfir til kaldari landa; má þar nefna smit­sjúk­dóma er fylgja moskító.

Þá megi allt eins búast við nýju af brigði af fugla­flensu, sem berst ekki bara úr dýrum í fólk, eins og gerist nú, heldur einnig á milli fólks. Segir Guðrún að slík af­brigði verði að taka mjög al­var­lega; hún segir bar­áttuna við Co­vid-19 alls ekki að baki, enda greinast ennþá um 20 til 30 einstaklingar á dag.

En hvað er þá líklega að fara að gerast?

„Lang­lík­legastur er heims­far­aldur in­flúensu,“ segir Guð­rún og nefnir að lík­lega muni pestin fylgja mann­kyninu um ó­komin ár.