Hannes Hólmsteinn Gissurarson hefur leitt tvö mál í íslensku samfélagi að mestu leyti hjá sér, skóla- og uppeldismál annars vegar og heilbrigðismál hinsvegar. En nú kveðst prófessorinn hafa kynnt sér þau. Niðurstaða Hannesar er að í heilbrigðismálum sé svigrúm til lækninga og forvarna að dragast saman og á sama tíma stækka biðstofurnar.
„ … þar sem við eigum að sitja þæg og bíða eftir því, að nafn okkar sé kallað upp. Þetta gerist þrátt fyrir það, að við séum með mikið mannval í læknastétt,“ segir Hannes. Þá segir hann á öðrum stað í pistlinum:
„Það er eitthvað mikið að í skólunum. Það er ekki reynt að laða fram hæfileika, heldur breyta drengjum í stúlkur,“ segir Hannes og fjölmargir kunna að meta innleggið, svo sem Ásdís Halla Bragadóttir, Erna Ýr Öldudóttir, Gústaf Níelsson og Ragnar Önundarson. Þá segir Hannes enn fremur:
„Og þegar lengra kemur í námi, er reynt að breyta öllum í þegna frekar en borgara, viðtakendur frekar en sjálfbjarga, tápmikla einstaklinga.“