Mánudagur 17. júní, 2024
8.8 C
Reykjavik

Heimir Jónasson látinn

VefTv

- Auglýsing -

Hlaðvörp

- Auglýsing -

Heimir Jónasson lést í dag, 53 ára að aldri. Hann greindist með taugahrörnunarsjúkdóminn Corticobasal Degeneration (CBGD) í janúar árið 2018.

Heimir Jónasson

Eftirlifandi eiginkona Heimis, Berglind Magnúsdóttir, greindi frá andláti hans í færslu á Facebook. Heimir skilur eftir sig þrjú börn á aldrinum 14-23 ára.

„Þú ræður ekki hvað kemur fyrir þig en þú ræður hvernig þú tekst á við það,“ sögðu hjónin í viðtali við Fréttablaðið í júlí árið 2018, og sögðu að lífsviðhorfið væri lykilatriði.

Vinir Heimis stofnuðu styrktarsjóðinn Traustur vinur í því skyni að taka við og halda utan um framlög vina hans og velunnara. Samnefnd vefsíða var einnig opnuð þar sem „ætlunin er að auðvelda þér að leggjast á árarnar með okkur í stuðningi við þetta góða fólk,“ eins og segir á heimasíðunni.

Heimir var ráðinn framkvæmdastjóri Markaðsstofu Kópavogs árið 2016, hann starfaði áður sem  dagskrárstjóri Stöðvar 2 og einnig sem ráðgjafi í auglýsinga- og markaðsmálum og þjónustaði erlendar fréttastofur og kvikmyndafyrirtæki á ferð um landið.  Árin 2011-2016 starfaði hann sem framleiðandi og markaðsráðgjafi fyrir Íslensku auglýsingastofuna og kom að mörgum verkefnum á svið ferðamála í tengslum við Inspired by Iceland og Icelandair ásamt því að starfa sem þjálfari hjá Dale Carnegie.

Mannlíf sendir ættingjum og vinum Heimis innilegar samúðarkveðjur, traustur vinur er fallinn frá.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -