Eitt glæsilegasta hús Arnarness er komið á sölu en um er að ræða 367,7 fermetra, níu herbergja höll að Blikanesi 27.
Húsið hefur fengið umfjöllun í fagritum fyrir einstaka hönnun en er það teiknað af Guðmundi Þór Pálssyni arkitekt.
Lind fasteignasala hefur eignina á skrá en sjón er svo sannarlega sögu ríkari.
Húsið hefur fengið gott viðhald og er í góðu ástandi bæði að innan sem utan en er eignin nánast upprunaleg að innan. Stendur það á eignarlóð sem er 1392 fermetrar.
Húsið er að mestu á einni hæð en efri hæðin skráð 231,55 fermetrar og sú neðri 91,6.
Lóðin er snyrtileg og vel við haldið, þá er garðurinn sem snýr til suðurs með þeim stærri á Arnarnesi.
Óhætt segja að tækifæri og hugmyndir þegar kemur að innanhús arkitektúr séu svo gott sem endalausar í húsi líkt og þessu.
Allar frekari upplýsingar um þessa stórglæsilegu eign má nálgast á vef fasteignasölunnar.