Hópurinn Öfgar ætlar að halda sínu striki og bjóða upp á annan þeirra gjörninga sem fyrirhugaðir voru sem partur af Druslugöngunni, sem nú hefur verið frestað um óákveðin tíma.
Í tilkynningu frá Öfgum segir: „Við í Öfgum ætlum að mæta niður í bæ og bjóða upp á annan gjörninginn sem við höfum skipulagt. Klukkan 13:30 verðum við staddar við Hallgrímskirkju með „Skilum skömminni“ kassann okkar, blöð og skriffæri. Þar gefst ykkur tækifæri til að rita niður þá skömm sem hefur flækst fyrir ykkur og getið skilað henni í kassann. Klukkan 14:30 röltum við niður á Austurvöll þar sem við bjóðum upp á sömu gjörninga milli 15:00 og 16:00. endilega kíkið á okkur ef þið eigið leið hjá“.
Skilaðu skömminni rafrænt
Þá segir að þeir sem vilja skila skömminni en komast ekki geta sent póst á netfangið [email protected] og þær sjá um að koma henni í kassann. Þær eða þau sem ekki vilja að nafn sitt komi fram geti sent póstinn frá netfangi sem ekki gefur upp sendanda. Öfgar ætla svo að farga skömmunum á viðeigandi hátt við tækifæri, en það verður auglýst síðar.
Fjáröflun
Þær standa einnig fyrir fjáröflun fyrir málfrelsissjóð með því að selja barmmerki til styrktar sjóðnum á 1000 krónur. Allur ágóði rennur til málfrelsissjóðs. „Við verðum einnig að selja barmmerki til styrktar málfrelsissjóði á 1.000 kr stykkið. Það er hægt að leggja beint inná reikninginn þeirra 0133-26-201240, kt: 561219-2060 ef fólk kemst ekki á staðinn eða vilt leggja minni upphæð inn eða bara vilt ekki barmmerkið, öll hjálp telur. En eina leiðin til að fá́ barmmerkið er með því að kaupa það beint hjá okkur, allur ágóði rennur svo til málfrelsissjóð. Auðvitað eru fjárhagslegar aðstæður mismunandi hjá́ fólki og það er líka hægt að hjálpa með að vekja athygli á málsstaðinum á samfélagsmiðlum t.d. með að deila síðunni hjá́ málfrelsissjóði ; https://malfrelsissjodur.is/“.