Vegna mengunar er greindist í annarri af vatnslindum Hvammstanga; hafa íbúar bæjarins orðið að sjóða neysluvatn undanfarna viku.
Engin áhætta er tekin – en jarðvegsgerlar fundust í vatninu – en þeir eru ekki skaðlegir fólki nema í mjög miklu magni.
Hvammstangi er stærsta byggðalag Húnaþings vestra; þar búa nú tæplega 600 manns, og svo eru bæir víða í naǵrenni bæjarins:
„Þetta eru jarðvegsgerlar sem að eru í raun og veru allt í kring um okkur en geta orðið varhugarverðir í miklu magni“, segir sveitarstjórinn í Húnaþingi vestra, Unnur Valborg Hilmarsdóttir í samtali við ruv.is.
Um leið og grunur vaknaði um mengunina voru íbúar beðnir að sjóða allt neysluvatn. Vatnslindinni var lokað og hún hreinsuð; von er á niðurstöðum síðar í dag um hvort íbúum Hvammstanga og nágrennis sé óhætt að drekka vatn úr krananum á nýjan leik.
Unnur Valborg segir mengunina líkegast hafa komið til vegna mikilla leysinga:
„Það er mjög mikið frost í jörðu og svo gerir mjög hraða leysingu og asahláku þannig að yfirborðsvatn hefur í rauninni enga aðra leið en að renna á yfirborðinu og getur þá farið ofan í vatnsból“, segir Unnur.