Íbúar í Laugarnesi kúgast yfir stækri lykt: ,,Þetta er viðbjóður“

Efnisorð

Deila

- Auglýsing -

Íbúar í Laugarneshverfinu í Reykjavík kvarta undan vondri lykt í hverfinu. Umræður um fnykinn fara fram í Facebook hópi hverfisins. Auður Berglind Stefnisdóttir var fyrst til að vekja máls á þessu og veltir fyrir sér hvaðan stækjan kemur og hvar sé hægt að leggja fram kvörtun.

Fnykinn virðist leggjast yfir allt hverfið og minnir helst á lykt úr loðnubræðslu. En engin slík starfsemi er í návígi við nágrennið. Auður hefur fengið mikil viðbrögð við fyrirspurn sinni en margir hafa bent henni á að hafa samband við Heilbrigðiseftirlit Reykjavíkurborgar.

Ástríður Jónsdóttir fullyrðir að borgin sé meðvituð um málið og segir ,,Heilbrigðiseftirlit Reykjavíkur veit um málið. Alltaf ólykt í byrjun hverrar viku.“

Enn fleiri meðlimir hópsins taka undir þessa umræðu og segjast einfaldlega vera að kafna úr fýlu.

,,Hún var eitthvað extra stæk í morgun,“

,,Þetta er bara viðbjóður!“

Þolmörk Söndru Karenar eru á þrotum gagnvart lyktinni. ,,Sammála hvað lyktin er orðin óþolandi og ógeðsleg,“ segir hún.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -