24 ára Íslendingur var dæmdur í 14 ára fangelsi fyrir morð sem hann framdi í smábæ skammt frá Horsens í Danmörku í byrjun mars árið 2010. Hann og samverkamaður hans, sem fékk 12 ára fangelsi, áfrýjuðu dómnum.
Lést í örmum dóttur sinnar
Chanette Sörensen var skotin til bana á heimili sínu í Horsens. Sá sem skaut hana stóð fyrir utan húsið hennar og skaut fimm skotum í gegnum borstofugluggann. Eitt skotið hæfði Chanette í höfuðið og lést hún skömmu síðar í örmum dóttur sinnar Sandie.
Lögreglan handók manninn daginn eftir, en vitni sáu hann flýja af vettvang andartökum eftir að skotunum var hleypt af. Hann var kunnugur hinni látnu og hafði áður átt í sambandi við dóttur hennar, en hann skuldaði þeim peninga vegna fíkniefnaviðskipta.
Af hverju drap hann hana útaf 19 þúsund krónum?
„Það var mikið uppistand. Hann fékk víst 19 þúsund krónur danskar lánaðar hjá mömmu fyrir innborgun. Ég skil ekki af hverju hann drap hana út af 19 þúsund krónum,“ segir Sandie.
Ástæðan fyrir morðinu var fíkniefnaskuld en samkvæmt dóttur Chanette skuldaði maðurinn henni 19 þúsund danskar krónur. Chanette var úr fjölskyldu sem tengdist fíkniefnaviðskiptum, eiginmaður, systir og mágur hennar höfðu öll fengið margra ára fangelsisdóm vegna fíkniefnalagabrota.
Íslendingnum vísað úr landi
Samverkamaður mannsins fékk tólf ára fangelsisdóm. Báðir áfrýjuðu dómum sínum. Dómi samverkamannsins var breytt í fjögur og hálft ár, en dómur mannsins staðfestur. Maðurinn hafði búið í Danmörku frá barnaskólaaldri, en fram kom í dómnum að honum skyldi vísað úr landi að afplánun lokinni.
Kom til Íslands í afplánun og handtekinn að nýju
Í byrjun árs 2020 voru sexmenningar hnepptir í gæsluvarðhald eftir samræmdar aðgerðir lögreglu. Voru mennirnir grunaðir um stórfellda amfetamínframleiðslu í bústað rétt ofan við Reykjavík. Tveir þeirra höfðu hlotið þunga dóma hvor í sínu smyglskútumálinu og sá þriðji afplánar fjórtán ára dóm fyrir morð.
Aðgerðir lögreglu voru mjög umfangsmiklar, rannsóknin sneri meðal annars að framleiðslu fíkniefna og peningaþvætti, ráðist hefði verið í húsleitir víða og hald lagt á fíkniefni, vopn og fjármuni.
Einn af þessum mönnum var dæmdur í 14 ára fangelsi í Danmörku, eins og fyrr segir, fyrir að skjóta móður fyrrverandi unnustu sína til bana í smábæ fyrir utan borgina Horsens. Maðurinn kom til Íslands í afplánun og fékk reynslulausn sumarið 2019. Hann rauf skilyrði hennar um jólin 2019 og var færður aftur í afplánun. Þá var leitað í húsnæði sem hann hafði til umráða og þar fundust íblöndunarefni fyrir hörð fíkniefni og var maðurinn handtekinn á Litla-Hrauni.
Bæði tengd fíkniefnaheiminum
Vestari Landsréttur í Danmörku staðfesti 14 ára fangelsisdóm héraðsdóms yfir manninum, fyrir morð á fertugri konu.
Sannað þótti að maðurinn hefði skotið af byssunni úr bíl sem félagi hans ók. Danskir fjölmiðlar segja að ákærði og fórnarlambið hafa þekkst og bæði tengst fíkniefnaheiminum í Horsens.
Félagi hans, 31 árs maður, var dæmdur í 3½ árs fangelsi en héraðsdómur hafði dæmt hann í 12 ára fangelsi. Sýknaði landsréttur félagann af ákæru fyrir manndráp en fann hann sekan um brot á vopnalögum og fyrir að setja konuna í hættu. Félaginn hefur nú afplánað sinn dóm og er laus úr fangelsi. Ritzau-fréttastofan sagði, að dómurinn hafi ekki verið einróma og einhverjir dómarar hafi viljað sýkna Íslendinginn af manndrápsákæru.
Bíllinn fannst síðar og hafði verið kveikt í honum
Chanette Sørensen lést þegar skotið var fimm skotum inn um glugga á húsi hennar í bænum Lund, norður af Horsens, í byrjun mars árið 2010. Eitt skotið lenti í andliti konunnar sem lést samstundis. Skotið var á húsið úr bíl sem ekið var framhjá en tveir menn voru í bílnum. Bíllinn fannst síðar og hafði verið kveikt í honum. Upptökur úr öryggismyndavél verslunar sýndu, að annar mannanna keypti þar eldfiman vökva.
Ákærði hélt því fram, að hann hefði aðeins skotið af byssu í átt á húsinu til að hræða tengdason Sørensen. Eftir morðið fundust fíkniefni grafin í garði konunnar og töldu saksóknarar að rekja mætti skotárásina til fíkniefnaviðskipta. Fram kom, að maðurinn hafi átt í sambandi við dóttur konunnar og hafi búið þar um tíma í húsi hennar. Hann viðurkenndi við réttarhöldin að hafa skuldað Sørensen peninga en neitaði að hafa ráðið henni bana.
Maðurinn sem skaut konuna er íslenskur í aðra ættina og hefur búið í Horsens stóran hluta ævinnar. Hann var m.a. í sama barnaskóla og dóttir konunnar.
Heimildir:
Innlent. 4. janúar 2012. 14 ára fangelsisdómur yfir Íslendingi staðfestur. MBL.
Innlent. 6. apríl 2011. Ég skil ekki af hverju hann drap hana út af 19 þúsund krónum. Vísir.
Jón Þór Stefánsson. 8. ágúst 2021. Íslendingar í aðalhlutverkum í erlendum morðmálum – Fjölskylduharmleikur, aflimað lík og skotárás. DV.
Stígur Helgason. 23. janúar 2020. Þrír hinna handteknu með dóma fyrir skútusmygl og morð. RÚV.