Fimmtudagur 2. febrúar, 2023
1.6 C
Reykjavik

Aldrei fleiri í borgaralegri fermingu: „Mig langar að monta mig af þessu“

Helgarviðtalið

- Auglýsing -

Orðrómur

- Auglýsing -

Um 15 prósent árgangsins sem ætti að fermast núna kjósa að gera það borgaralega hjá samtökunum Siðmennt. Aldrei hafa fleiri gert það en nú eru um 700 fermingarbörn skráð til leiks, að sögn Ingu Auðbjörg K. Straumland, athafnarstjóra og atvinnuskáti, á Twitter.

Þar segir hún samtökin hafi oft verið sökuð um niðurrif en það sé þó fjölmiðlum að kenna. „Ég og Siðmennt erum svolítið sökuð um að verja of miklum tíma í að tala aðra niður og of litlum tíma í að tala okkur sjálf upp. Hið rétta er náttúrulega að fjölmiðlar hafa meiri áhuga á átökum en árangri. Í ljósi þess langar mig að monta mig af þessu,“ skrifar Inga og deilir tilkynningu samtakanna um metþátttöku.

„Ég er svo ógeðslega stolt af teyminu í kringum borgaralegar fermingar, sem hefur skapað svo stórkostlega húmaníska lífsleiknikennslu að hópurinn heldur áfram að stækka og stækka. Það er metskráning í ár!,“ segir Inga og bætir við:

„730 fermingarbörn eru skráð til leiks í vor. 100 barna fjölgun frá í fyrra! Það er alls ekki sjálfgefið að 15% árgangsins leiti til lífsskoðunarfélags sem aðeins 1,5% þjóðarinnar tilheyra. Ég trúi að það sé einmitt vegna þess að fermingarfræðslan er góð og athafnirnar fallegar.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -