Áslaug Arna Sigurbjörnsdóttir minnist móður sinnar með fallegri Facebook-færslu.
Háskóla-, iðnaðar- og nýsköpunarráðherra, Áslaug Arna Sigurbjörnsdóttir skrifaði fallega Facebook-færslu í gær þar sem hún minnist móður sinnar, Kristínar, sem hefði fagnað 65 ára afmæli í gær, hefði hún lifað. Áslaug vitnar í minningargrein frænda síns í færslunni en færsluna má sjá í heild sinni hér fyrir neðan:
„Elsku mamma, Kristín, hefði fagnað 65 ára afmæli í dag. Hún kenndi mér svo margt. „Sorgin ber ekki einungis með sér kröm hjartans heldur hefur hún mildar hliðar. Hún getur verið frjór jarðvegur nýrra daga. Fallegra daga, hvað sem öðru líður.” Þetta var skrifað af Sigurbirni frænda mínum og Elínu Ástu hans í minningargrein um mömmu sem pabbi rifjaði upp í dag. Falleg og dýrmæt orð. Tæp 12 ár síðan hún kvaddi og við höldum upp á fallegan dag og heiðrum minningu hennar.“