Þriðjudagur 18. júní, 2024
8.8 C
Reykjavik

Bendir á staðreyndir varðandi öryrkja og eldri borgara: „En vissulega bylur hæst í tómum tunnum!“

VefTv

- Auglýsing -

Hlaðvörp

- Auglýsing -

Björn Birgisson bendir á að það eru stórir hópar á landinu sem hafa það jafnvel enn verr en lágtekjufólk.

Grindvíski samfélagsrýnirinn Björn Birgisson skrifaði færslu á Facebook þar sem hann spyr „Hvaða hópar í þjóðfélaginu hafa lægstu tekjurnar?“. Svar hans er að margir eldri borgarar, öryrkjar og atvinnulausir eigi mun minna á milli handanna en láglaunafólk. Í lok færslunnar skýtur hann föstum skotum á Eflingu sem nú stendur í kjaradeilum við Samtök atvinnulífsins. Færsluna má lesa hér að neðan.

„Hvaða hópar í þjóðfélaginu hafa lægstu tekjurnar?

**********
Óskertur ellilífeyrir er 307.829 krónur á mánuði.
Fjölmargir eldri borgarar eru með sáralitlar greiðslur úr lífeyrissjóðum – jafnvel engar – einkum konur sem mikið hafa verið í hlutastörfum, eða verið að sinna stórum heimilum og ekki verið á vinnumarkaði.
Óskertur ellilífeyrir er enn tugþúsundum lægri en lágmarkslaun í landinu.
**********
Óskertur örorkulífeyrir til einstaklings, sem fékk örorkumat 40 ára, er 301.029 krónur á mánuði.
Lífeyrisréttindi öryrkja eru jafn misjöfn og þeir eru margir.
Óskertur örorkulífeyrir er enn tugþúsundum lægri en lágmarkslaun í landinu.
Nær helmingur örorkulífeyristaka hefur lægri heildartekjur en sem nemur lágmarkslaunum í landinu.
**********
Atvinnuleysisbætur eru 313.729 krónur á mánuði.
**********
Lágmarkslaun í landinu eru 378.500 krónur á mánuði.
**********
Til að gefa lesendum hugmynd um fjöldann sem þessi færsla tekur til þá eru öryrkjar í landinu um 20 þúsund talsins og eldri borgarar eru um 50 þúsund, samtals telja því þessir láglaunahópar um 70 þúsund manns.
**********
Til samanburðar má nefna að talað er um að á kjörskrá Eflingar gagnvart SA samningum séu ríflega 20 þúsund manns og því fer fjarri að það fólk sé eitthvað nærri eldri borgurum og öryrkjum á botninum í launum.
En vissulega bylur hæst í tómum tunnum!“

Færslan hefur vakið þó nokkra athygli en sitt sýnist hverjum.

Örn nokkur skrifaði athugasemd: „Þegar húsaleigu er komin yfir 240.000 fyrir 2 herbergja íbúð í Reykjavík er erfitt að lifa á launum eða bótum undir 500.000.-“

Þessu svaraði Björn: „þegar okrað er á fólki er gott að forða sér. Velja sér ekki búsetu þar sem okrið er mest. Það er nefnilega ekki hægt að senda vinnuveitendum sínum okurreikningana til greiðslu, en það er alltaf möguleiki að flytja!“

- Auglýsing -

Sonja nokkur er ósátt við færslu Björns:

„Alltaf slæmt þegar fólk í slæmri stöðu reynir að draga þá sem eru í aðeins skárri stöðu niður til sín – vænlegra til árangurs er að styðja þá sem er næstir í röðinni frá botninum upp á við og sigla svo í kjölfarið.“

Þessu svaraði Björn um hæl: „sparaðu þvættinginn, hér er eingöngu verið að benda á staðreyndir og engin tilraun gerð til að draga þjóðfélagshópa upp eða niður.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -