Tilkynning barst lögreglunni á Austurlandi vegna snjóflóðs í Stafdal ofan Seyðisfjarðar laust eftir klukkan fjögur í dag. Tveir voru á ferð um svæðið þegar flóðið féll og lenti annar þeirra undir því. Ferðafélagi hans fann hann skömmu síðar og aðstoðaði hann undan flóðinu.
„Viðbragðsaðilar voru strax ræstir út, björgunarsveitir í umdæminu og þyrla Landhelgisgæslu reiðubúin að fara af stað með hjálparlið og búnað. Aðgerðastjórn var virkjuð og samhæfingarstöð almannavarna,“ segir í fréttatilkynningu frá lögreglunni á Austurlandi.
„Um klukkan 16:30 var viðkomandi fundinn og laus undan flóðinu með aðstoð þess er með honum var. Hann var í kjölfarið fluttur undir læknishendur með sjúkrabifreið. Ekki er talið að meiðsl hans séu alvarleg en hann lerkaður eftir.“