Mánudagur 15. apríl, 2024
1.1 C
Reykjavik

Eiríkur birtir svívirðileg orð þekkts manns í viðskiptalífinu

VefTv

- Auglýsing -

Hlaðvörp

- Auglýsing -

Eiríkur Rögnvaldsson, fyrrverandi prófessor í íslenskri málfræði við Háskóli Íslands, segir að þekktur maður í viðskiptalífinu hafi farið yfir strikið í gagnrýni sinni á Sólveigu Önnu Jónsdóttur, formanns Eflingar. Eiríkur birtir ummælin en neitar að segja nafn höfundar þeirra. Margir gagnrýna hann fyrir þetta í athugasemdum við færslu hans á Facebook um málið.

Eiríkur skrifar: „Mér hefur oft fundist Sólveig Anna Jónsdóttir fara offari í orðum og gerðum. Það breytir því ekki að hún á ekki, frekar en annað fólk, að þurfa að þola rætna umræðu sem beinist að persónu hennar. Mér var satt að segja öllum lokið þegar ég rakst á meðfylgjandi athugasemd á Facebook í dag. Þessi athugasemd er bæði svívirðileg gagnvart Sólveigu Önnu og lýsir ótrúlegum fordómum í garð þeirra sem stríða við geðsjúkdóma. Höfundur hennar er þekktur maður í viðskiptalífinu sem ætti að skammast sín.“

Skjáskot af þessum ummælum má sjá hér fyrir neðan. Illugi Jökulsson fjölmiðlamaður skrifar athugasemd hjá Eiríki og spyr hví hann feli nafn mannsins. „Ein leið til að kenna fólki að láta ekki svona út úr sér er að kóa ekki með þeim með því að eyða nöfnum þeirra sem svona tala,“ skrifar Illugi. Þessu svarar Eiríkur svo: „Ég veit, og velti því fyrir mér. En vegna þess að færslan sem þetta var við var ekki opin öllum kunni ég ekki við það.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -