- Auglýsing -
Margir hafa lagt leið sína suður á bóginn og þá er Tenerife, eyjan fagra, ávallt vinsæll viðkomustaður.
Það er hins vegar ekki alltaf sæla í paradís. Þær fregnir hafa verið að berast okkur að mikil magakveisa sé að herja á hótelgesti á Bitacora hótelinu. Hótelið er vinsæll ferðamannstaður og því margir Íslendingar á hótelinu. Á síðu Tenerife tips á facebook er fólk að tala um að einkennin líktust noro veikinni og svo virðist sem að magapestin hafi verið að ganga í þó nokkurn tíma.
Íslenska ferðaskrifstofan Vita selur ferðir til Tenerife og meðal annars á þetta hótel. Hótelið er 4 stjörnu hótel og er staðsett rétt hjá aðal verslunargötunni og amerísku ströndinni. Ekki náðist á hótelstjórann við vinnslu þessarar fréttar.
