Sunnudagur 16. júní, 2024
10.8 C
Reykjavik

Gripnir glóðvolgir í gámi á geymslusvæði – Athyglissjúkur berserkur réðst á annan

VefTv

- Auglýsing -

Hlaðvörp

- Auglýsing -

Laust fyrir klukkan fjögur í nótt barst lögreglunni á höfuðborgarsvæðinu tilkynning um innbrot. Atvikið átti sér stað í umdæmi lögreglu í Kópavögi og Hafnarfirði. Tveir óprúttnir innbrotsþjófar höfðu brotið sér leið inn á geymslusvæði fyrir flutningsgáma. Þegar lögreglu bar að garði voru þrjótarnir í fullu fjöri í einum gámanna. Voru því gerendur gripnir og gómaðir glóðvolgir í gámi á geymslusvæðinu og í kjölfarið geymdir í þágu rannsóknar.

Samkvæmt dagbók lögreglu var talsverður erill í nótt, þá sérstaklega í kringum skemmtanalífið í miðbæ Reykjavíkur. Var lögreglan kölluð til, rétt fyrir klukkan tvö í nótt, vegna óðs gleðipinna sem  ráðist hafði á dyravörð sem sinnti störfum sínum. Gleðipinninn gekk því ekki neitt inn um gleðinnar dyr. Málið var leyst á vettvangi og verður rannsakað sem líkamsárás.

Löngu hefur sannað sig að sýnileiki og nálægð lögreglu hefur jákvæð áhrif. Athyglissjúkur berserkur fann sig samt knúinn til að ráðast á annan beint fyrir augum lögreglumanna sem sátu í bifreið sinni. Snarir í snúningum gengu lögreglumennirnir beint til verks og handtóku umsvifalaust. Berserkurinn var vistaður í þágu rannsóknar.

Þá voru í það minnsta þrír stöðvaðir á götum borgarinnar vegna gruns um akstur undir áhrifum áfengis og vímuefna. Reyndist einn þeirra hafa fíkniefni meðferðis auk þess að vera án ökuréttinda.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -