Guðmundur Felix Grétarsson er gangandi kraftaverk og af honum berast reglulega stórkostlegar fréttir. Tíðindi dagsins eru þau að hann getur nú tekið upp hundinn sinn með ágræddum handleggjunum.
Áfangann má sjá í myndbandi sem Felix, eins og hann kallar sig í Frakklandi, birti á Facebook-síðu sinni þar em hann er duglegur að leyfa fólki að fylgjast með framvindunni. Við myndbandið skrifar Felix:
„Already picking up the smallest #dog, 2 to go.“
Eins og flestir líklegast vita voru græddir á Guðmund nýir handleggir þann 14. janúar í fyrra, eftir að hann missti þá báða í hræðilegu slysi árið 1998, þá 26 ára gamall.
Guðmundur Felix slasaðist alvarlega við störf sín og missti m.a. báða handleggi. í kjölfar slyssins vakti Guðmundur mikla athygli fyrir að setja stefnuna á að fá grædda á sig nýja handleggi. Í janúar árið 2021 fór aðgerðin fram í Lyon í Frakklandi og þykir hún marka tímamót í læknavísindum.
Fjölmargir Íslendingar hafa dáðst að hugrekki Guðmundar, fyrir og eftir aðgerðina. Við nýjasta myndbandið má sjá ummæli á borð við „Þetta er svo frábært að sjá!!!“ og „Þú ert svo mikill snillingur.“
Hér fyrir neðan má sjá myndbandið af því þegar Felix tekur upp hundinn sinn: